Feijóo sóbelle o salario aos seus altos cargos, en plena crise O lider do PP dicia hai poucos días que os cargos públicos debían enviar "unha mensaxe" á cidadanía nun momento de dificultade, optando por non subir os salarios o ano que vén

Alberto Núñez Feijóo nunha comparecencia no sur do país.
Alberto Núñez Feijóo nunha comparecencia no sur do país.

Segundo vén de confirmar Europa Press, o presidente da Xunta, Alberto Núñez Feijóo, subiralle o salario aos seus altos cargos en plena crise pola pandemia e cando moitos traballadores están sufrindo despidos ou ertes e os autónomos están sendo obrigados a pachar os seus negocios.

Hai poucos días o presidente dicía que: “os políticos , temos que enviar unha mensaxe aos que non están no paro, nin un ERE nin un ERTE, o mínimo que podemos facer, máis cando o IPC será estábel e non aumentar os custos da débeda pública de dous gobernos . Paréceme que deberían rectificar e conxelar os os salarios dos membros do goberno central “ , valoraba Feijoo, que defendía que esta decisión se estendese a todos os ámbitos da representación política.

“Agardo que todos os alcaldes, presidentes, presidentes de deputacións … conxeledes os vosos salarios. Non creo que haxa unha gran pregunta, son simplemente o sentido común (…) O mínimo e conxelaros salarios », dixo este mércores en declaracións aos medios mentres participaba nunha cerimonia con representantes do sector primario.

Segundo o borrador do proxecto lexislativo e a falta do texto definitivo que se aprobe este venres no Consello,a subida será de 537 euros, case o 0,9%. Esta proposta, que foi remitida aos sindicatos hai unha semana e que foi abordada este xoves na mesa xeral de negociación coa Consellería de Facenda, segundo as fontes consultadas por Europa Press, recolle o soldo do presidente da Xunta para o próximo ano, que ascenderá a 78.089,88 euros; mentres que os seus dous vicepresidentes e os conselleiros percibirán 68.154,24 euros cada un.

A eles non se lles aplicará a subida retributiva do 0,9 por cento recollida nos orzamentos xerais para os empregados públicos, pero si ao resto de altos cargos que dependen dos distintos departamentos da Xunta, todos eles vinculados ao Partido Popular. Concretamente, este punto do borrador do proxecto lexislativo di que “no ano 2021, as retribucións dos altos cargos non experimentarán un incremento superior ao 0,9%”.

56 CARGOS POLÍTICOS

Isto afecta a secretarios xerais, secretarios xerais técnicos, directores xerais e delegados territoriais e asimilados, todos eles cargos políticos elixidos por Feijóo. Para eles, o borrador da lei recolle un total de 60.287,90 euros anuais, fronte aos 59.750,20 euros que actualmente teñen estipulados, tal e como se pode confirmar na web de Transparencia da Xunta.

Isto supón 537,7 euros máis, un 0,89 por cento de subida para os 56 altos cargos da Xunta que dependen das consellerías e do presidente, aos que hai que sumar o sete delegados territoriais e cargos análogos.

Esta subida, con todo e segundo este mesmo borrador, non se aplicará a outros cargos como os membros do Consello de Contas, para os que se recolle un salario de doce mensualidades por un total de 72.528,60 euros para o conselleiro maior e de 68.154,24 euros, para o resto de integrantes, igual que ocorre no caso do Consello Consultivo, o Consello da Cultura Galega.

Feijóo apelou os gobernos de todas as administracións para que conxelen os seus salarios en 2021 nun contexto de crise. “O mínimo que podemos facer os dirixentes políticos e os gobernos locais, provinciais, autonómicos e centrais é conxelar os nosos salarios dado que o IPC vai estar tamén practicamente conxelado”, manifestou.

SOBE UN 7% O PESO DOS SALARIOS PÚBLICOS

Fontes consultadas por Europa Press indicaron que o peso do capítulo de persoal sitúase en torno ao 40 por cento con máis de 4.300 millóns de euros destinados a este fin e un crecemento do 6,8 por cento con respecto ás partidas vixentes. Nas contas deste ano orzamentaronse 4.030,7 millóns, o que xa supuña unha subida do 3,6 por cento con respecto a 2019.

Sé o primeiro en comentares!

Deixa un comentario